eit lite livstegn frå hobbybloggen min...

Fekk litt problem med den gamle pc'en som gjorde at det vart stilleståande her i bloggen, fekk ikkje legge til bilde, sida berre oppdaterte seg heile tida, og alt i innlegget forsvant, so eg gav opp. Har vore mykje skulearbeid også, noko som kjem til å fortsette. Er innom og lese eindel bloggar, men er ikkje so flink å legge ut noko sjølv, og heller ikkje kommentere i andres blogger...



Forrige helg var vi i 40 års lag til søskenbarnet til min samboer, og då måtte eg ta meg tid til å sette meg ned å lage eit kort, det var kjempekjekt :) Ei stund sidan sist... Og no har eg fått meg ny pc, fått lasta ned enkelt redigeringsprogram, so no kunne eg endeleg legge ut eit innlegg :)

Kortet er eit posekort, lenge sidan eg har laga eit slikt, men er litt artigt å få litt variasjon, og syns korta blir litt artige og spennande når dei er laga sånn.




Tilda stempelet kjøpte eg på HobbyHimmelen i Kristiansand i sommar <3 og eg har mala det med distress ink. Spraya litt glimmer mist for å gjere det litt meir spennande...




Innsida av kortet. Tagen "det finnes bare...." er trekt ut, den ligg skjult under "klaffen", so kun charmsen stikk ut.



Og denne sida ligg også skjult, kun hjarte-charmsen som stikk ut.

Hausten er komt, og ute er det kaldt om morgonen. No hadde det vore deiligt å kost seg med ein kopp te, og laga kort <3 , men lucky me, eg er så heldig å få kose meg med te og eksamenslesing :/ Ei veke til eksamen... so då er det berre å henge i og lese...
Men er litt kjekt og for tida, vi har vore på sjukepleiesenteret (øvingssenter på skulen som er bygd opp som ei sjukeavdeling) og øvd på subcutane (under huda) og intramuskulære (i musklane) injeksjonar.... Kjipt å bli stukken, men litt artigt å få prøve å stikke andre :D

Ønskar alle ei super helg, her er det fin haustsol ute :)

Klem, Lise

Bursdagskort

Søskenbarnet til min samboar vart 40 år no i februar, og eg trådde til å laga eit kort. Vart ikkje so veldig avansert, då eg følte eit snev av tidspress, sidan det var 3 dagar før eksamen... Eg fekk desverre derfor ikkje vere med i festligheta, dvs. eg fekk vere med, men valgte å prioritere eksamen... Selskapet vart nemleg feira nokre mil frå oss, og lørdagen og søndagen hadde gått med... men men, kjem alltids ein ny anledning.
Bildet eg har brukt på framsida er frå då ho var lita, var litt uklart, men det fekk berre våge seg..Inni har eg også valgt å bruke bilde av jubilanten, facebook er ein fin ting.... ;) Eg har nok ikkje lagt ned alt for mykje arbeid i dette prosjektet. men det er noko med det og når du knapt har tatt i eit mønsterpapir på nokre månader, so finn eg liksom ikkje heilt roen.. men kjekt var det iallefall å lage litt kort igjen :)

Har laga nokre andre kort også, dei ligg på mobilen, og eg har plutseleg problem med å få dei overført til data, har gått fint før men....??? ja ja...kjem ein dag ;) I dag er det 7 år sidan snuppa i huset kom til verden! Skal sei tida går! er ikkje lenge før konfirmasjonen er overstått, og kofferten pakka, og ho er klar til å gå sine eigne vegar.... heldigvid nokre år igjen enda, gjelder å sette pris på tida vi har ilag med dei :)

God søndag!
Klem, Lise

Med ønske om eit godt nytt år!